Darren Ng Yin Chun 吳彥臻

大家好，我係Ignite會長Darren Ng 吳彥臻

我今年讀F5，我自己認為自己係內心而發嘅外向。我主要都係鍾意同人傾計😄，我覺得互相交流，無論係一齊share開心嘢，抑或是互相抱怨，都可以好satisfy到我。不過與其話一齊傾計，我覺得好似主要係人地聽我抱怨😂😂搞到人地冇得講🫠 

好多人都以為我鍾意打機，但係我都只係打一個game: Minecraft，由小學3年班開始，一直主要玩呢個到而家，如果真係想搵我打機嘅話都要教我點樣玩😂😂

同時我從小都覺得我係一個好emotional嘅人，無論遇到大大小小嘅事，我都會好大嘅reaction。不過好彩經過咁多年，我都覺得自己進步左唔少✌🏻

咁我講下我點解想選SU啦～ 喺我F2選舉嗰段時候，我已經見到嗰時嘅師兄師姐，好努力咁向我地promote，差唔多日日返學都見到佢哋喉嚨都嗌埋出嚟，我係覺得型的！At the same time我都有個衝動：我都想選SU！！😆😆

當然嗰個時候選SU，把鬼咩？唔好講想做會長，連想做other executive member 都俾人reject（直到今年，都係一樣）。🫠

當時我真係好無奈，亦都好無助，感覺自己嗰團火好似比大風吹左下，就嚟滅咁濟😔

喺呢幾年嘅沉當中，我都有認真思考過到底選呢個SU值唔值得？有啲比較熟嘅朋友都知道我都想選Su，但係就係踏唔出嗰步，因此，佢亦都一直支持我去參選！😭直到今年，亦係最後一次可以選SU嘅機會，我團火依然仲未完全消滅，我就覺得 “Why not?” 🥹我終於明白我唔係三分鐘熱度

有啲人可能都會好curious我點解唔玩vertical house？「本身你玩SU，勝算就唔大，更何況係你做？咁咪死得人？邊個會投你啊？！」即便係呢啲說話，係摧毀唔到對於我呢啲心已定想做SU嘅人。我之所以玩SU嘅其中一大原因係因為我好enjoy過程，亦都想證明自己係真實咁做到嘢。雖然我有時癲癲地，但係絕對唔代表做唔到野！「做House的確可以當場決定係咪成功做到？」，但係與其做House我覺得我更加想參選SU，因為我覺得選SU，係帶比同學另一種感覺。選SU就唔可以搞好多活動，一唔小心就容易違規。而我係喺循中最後一年可以玩大型活動嘅選擇當中，毅然選擇左選SU。今次係我第一次選SU，亦係我最後一次選SU，我覺得冇經驗唔完全係一件壞事，因為咁樣可以帶到俾同學一年與往年不同嘅感覺🔥

上年中開始，我開始組織群體，願意入嚟嘅人都好多，但係好多人都好忙，所以出頭有好多嘢都係自己主持，但好彩嗰個時候做嘅嘢唔算而家咁忙。與此同時越來越多人開始猶豫而想做返House，成員源源不絕咁樣入嚟，但係同時嘩啦嘩啦咁走，令到本身係一直留喺度嘅成員都好辛苦。咁樣嘅狀況維持到八月，先終於定好人選。好彩我哋最後都係成功參選到，而成員之間都好團結，傾完嘢就即刻吹水。😆雖然好攰，但係大家都好開心🥹🥹

最後我想同大家講，如果見到有啲嘢想做，而自己經過長時間沉澱&冷靜後，一直都冇放棄，就唔好hesitate而直接去做！我相信有呢啲經驗嘅話，做事情嘅時候效率都會高好多，因為自己堅信呢個係自己正確嘅選擇！💪🏻

九月份我都未好好瞓過，每日淨係瞓得過3-4個鐘，已經到咗咖啡都救唔到嘅地步🫠成員之間都病得七彩，大家真係要好好休息，補返啲抵抗力🫠🥹👻

記得支持我哋三號學生會候選內閣Ignite！❤️❤️

同時，我另外自己都有成立一個唱跳Band - Zero