會長：今次就到我哋年紀輕輕但係都係好做得嘢嘅Ariel la~ 不如介紹下你自己？

Ariel: 大家好呀，我係2R班嘅Ariel，喺兩位成員嘅post入面有略略出現過😌大家唔好睇我平時好似好安靜，雖然我都承認我係社恐，但係熟咗之後其實可以好癲👍🏻

會長：係啊，Ariel當初入黎Ignite都好少講野。但係自從開嘅會越多後，佢都開始放開自己，發表自己嘅意見～ 不如講下當初點解會願意加入Ignite嘅？

Ariel: 當初係某師兄跑過嚟同我講話「有冇興趣一齊參選SU呀~好輕鬆㗎~」當時心入面唸緊「佢應該唔會害我…」於是我就信咗😌當然都有其他原因嘅~喺我入嚟循中之後，偶然會聽到幾句關於SU舉辦活動嘅信息，當時同啲friend都覺得SU「好型」「好勁」，大家都對此產生咗好奇。直到某一日突然有個機會可以讓我去嘗試，我就加入咗Ignite。

會長：願意去嘗試係一件好事！話曬你係Ignite入面都有一段時間，想問下有冇咩感受？

Ariel: 啱啱開始嘅時候非常期待同興奮，但係到咗中期就開始變得好忙。記得有一次我哋Ignite開會開到凌晨12點幾先完，結束後大家都好攰，我都有問自己後唔後悔加入Ignite…仲有幾次都想退出…但係之後又唸返其實都有好多開心嘅時刻，例如我哋吹水嘅時候，識到好多人嘅時候，我嘅好朋友Alice加入嚟嘅時候…

會長：經過咁耐掙扎，你都係決定繼續留係Ignite，真系唔容易，咁最後有冇嘢想同我地嘅同學講？

Ariel: 希望各位同學可以勇敢地踏出自己嘅第一步，去嘗試自己想做嘅事! 最後請大家多多支持Ignite，投我哋一票呀!

會長＆Ariel: 請大家投3號學生會候選內閣Ignite!🔥